ART PRADMOVA прымае заяўкі да 6 кастрычніка
1 min read
Фестываль інтэлектуальнай кнігі PRADMOVA адкрывае прыём заявак на ART PRADMOVA — конкурс-выставу для маладых ілюстратараў(-ак) і дызайнераў(-ак) кнігі.
Гэта магчымасць атрымаць прафесійную ацэнку сваіх прац ад вядомых майстроў, пазнаёміцца з беларускімі выдаўцамі і патэнцыйнымі замоўцамі, а таксама прадставіць сваю творчасць шырокай публіцы.
Падавацца могуць творцы ва ўзросце ад 17 да 39 гадоў уключна. Прымаюцца працы ў любых тэхніках, як выдадзеныя, так і нявыдадзеныя.
Ад аднаго ўдзельніка — адна заяўка, максімум адзін твор/аб’ект або да 5 ілюстрацый для разгляду журы.
Каб падаць заяўку, трэба даслаць PDF з кароткай інфармацыяй пра сябе і працу, а таксама выявы твораў у лічбавай форме (300 dpi) на імэйл art.pradmova@gmail.com.
Дэдлайн: 6 кастрычніка 2026 года.
Лепшыя працы будуць прадстаўленыя на спецыяльнай выставе ART PRADMOVA ў межах фестывалю. Пераможцы будуць узнагароджаныя падчас фестывалю PRADMOVA.
